‘आर्थिक विकासमा सहकारीको भुमीका महत्वपूर्ण’

गणतन्त्र समाचारदाता
घोराही, २२ पुस । दाङको घोराहीमा रहेको सर्वोत्तम बहुउद्देश्यीय सहकारी संस्था लमिटेडको छैठौं बार्षिक साधारणसभा तथा तेस्रो अधिवेसन मंगलवारदेखि घोराहीमा शुरु भएको छ ।

कोरोना भाइरसको प्रभावका कारण नेपाल सरकार सहकारी बिभागले जारी गरेको निर्देशन र संस्थाले तयार गरेको कार्यबिधि अनुसार सर्वोत्तम सहकारीले पाँच दिनसम्म चरणबद्ध कार्यक्रम गरेर आफ्नो छैठौं बार्षिक साधारण सभा गर्न शुरु गरेको संस्थाका अध्यक्ष ध्रुवराज पौडेलले जानकारी दिनुभयो ।

उहाँले मुलुकको आर्थिक विकासमा सहकराी संस्थाहरुको भुमीका महत्वपूर्ण भएकाले राज्यले सहकारीको विकासमा ध्यान दिनुपर्ने बताउनुभयो ।
संस्थाले कोभिड १९ को प्रभाबलाई ध्यानमा राख्दै यस वर्ष फरक तरिकाले साधारणसभा र अधिबेशन गर्ने कार्यतालिका बनाएको छ । जसमा आजदेखी शुक्रवारसम्म सेयर सदस्यहरुबाट सुझाव संकलन र संशोधन प्रस्ताव पेश गर्ने,प्रत्यक्ष उपस्थित भएर संस्थाको माइन्यूटमा हस्ताक्षर गर्ने र प्राप्त सुझावका आधारमा पुस २५ गते शनिवार वार्षिक साधारणसभा तथा अधिबेशनको समापन समारोह गर्ने कार्यतालिका बनाएर काम शुरु गरेको अध्यक्ष ध्रुवराज पौडेलले जानकारी दिनुभयो ।

यस बर्षको साधारणसभा तथा अधिबेशनको समापन प्रत्येक्ष उपस्थित तथा बिद्युतिय सञ्चार माध्यमबाट प्रत्यक्ष प्रशारण गरिने संस्थाका अध्यक्ष पौडेलको भनाई छ ।
२०७१ सालमा स्थापना भएको सर्वोत्तम बहुउद्देश्यीय सहकारीलाई २०७४ सालदेखि नयाँ ब्यवस्थापनका साथ सञ्चालन गरिएको संस्थाले जनाएको छ । सर्वोत्तम बहुउद्देश्यीय सहकारी संस्थाले यो बर्षदेखि थप कार्यक्रमका रुपमा घोराहीको तुल्सीपुर चोकमा सहकारी बजार सञ्चालनमा ल्याएको छ ।

आफ्ना शेयर सदस्यहरुलाई सहकारी बजारका बारेमा बिस्तृत जानकारी सहित अवलोकन गराउनका लागि आजदेखि चार दिने पहिलो चरणको कार्यक्रम सहकारी बजार परिसरमा शुरु गरेको छ । साधारणसभामा उपस्थित हुने शेयर सदस्यहरुलाई सहकारी संस्थाले आफ्नो सहकारी बजारमा रहेको तीन सय रुपैया बराबरको सामान समेत दिन शुरु गरेको छ ।

[reactionpoll]
प्रतिक्रिया 0

प्रतिकृया दिनुहोस्

Your email address will not be published. Required fields are marked *