कर्णालीमा थप २७० जनामा कोरोना, ४ जनाको मृत्यु

घोराही ।
पछिल्लो २४ घण्टामा कर्णालीमा थप २७० जनामा कोरोना संक्रमण पुष्टि भएको छ । प्रदेशका विभिन्न प्रयोगशालामा आरटी पिसिआर विधिबाट गरिएको परीक्षणमा १८६ जना र र्‍यापिड एन्टिजेन विधिबाट गरिएको परीक्षणमा ८४ जनामा संक्रमण पुष्टि भएको हो ।

नयाँ संक्रमितहरु सुर्खेतका १५६ जना, दैलेखका ५८, जुम्लामा १०, सल्यानमा ७, रुकुम पश्चिममा १३ र कालिकोटमा २६ जना रहेका छन् । हालसम्म आरटी पिसिआर र एन्टिजेन विधिबाट कुल संक्रमितको संख्या १० हजार ५५७ पुगेको छ । पछिल्लो २४ घण्टामा थप ६८ जना संक्रमित उपचारपछि निको भएका छन् । योसँगै कुल संक्रमितमध्ये ७ हजार ६९० जना उपचारपछि निको भएका छन् ।

यस्तै पछिल्लो २४ घण्टामा थप चार जना संक्रमितको मृत्यु भएको छ । योसँगै कुल संक्रमित मध्ये मृतकको संख्या ६३ पुगेको छ । हाल २ हजार ४०५ जना सक्रिय संक्रमित प्रदेशका विभिन्न अस्पताल तथा आइसोलेसन सेन्टरमा उपचाररत रहेको स्वास्थ्य सेवा निर्देशनालय कर्णाली प्रदेशले बताएको छ ।

[reactionpoll]
प्रतिक्रिया 0

प्रतिकृया दिनुहोस्

Your email address will not be published. Required fields are marked *