घोराहीबाट एटिएम तोडफोड गर्ने २ युवक पक्राउ

घोराही साउन १७ । बैंकको एटिएम फोड्न खोज्ने दूई युवक पक्राउ परेका छन् । पक्राउ पर्नेमा घोराही उपमहानगरपालिका वडा नं. १३ मंलेरीका १८ बर्षीय सुबाश बिक र सुन्दर नगर टोलका १८ बर्षकै प्रकाश भुसाल पक्राउ परेको दाङका प्रहरी प्रमुख एसपि सुरेशप्रसाद काफ्लेले जानकारी दिए ।
उनीहरुले साउन १२ गते राति घोराही १५ सहिद गेट लाइनमा रहेको कुमारी बैंकको एटिएम तोडफोड गरेका थिए । एटिएम तोडफोड गरेपनि पैंशा झिक्न र लैजान भने नसकेको प्रहरीले जनाएको छ ।

त्यसपछि फरार रहँदै आएका उनीहरुलाई प्रहरीले साउन १६ गते घोराही १५ मा लुकिछिपी बसेको अवस्थामा पक्राउ गरेको जिल्ला प्रहरी प्रबक्ता डिएसपी मुकुन्दप्रशाद रिजालले जानकारी दिए । घटनाबारे आवश्यक अनुसन्धान भइरहेको प्रहरीले जनाएको छ ।

[reactionpoll]
प्रतिक्रिया 0

प्रतिकृया दिनुहोस्

Your email address will not be published. Required fields are marked *