प्रचण्डको ओलीलाई चुनौति: ‘ज्ञानेन्द्रसँगको पाँच बुँदे प्रमाणित गर, नत्र जनतासँग माफी माग’

प्रचण्डको ओलीलाई चुनौति: ‘ज्ञानेन्द्रसँगको पाँच बुँदे प्रमाणित गर, नत्र जनतासँग माफी माग’

दाङ, पुस १। नेकपा माओवादी केन्द्रका अध्यक्ष पुष्पकमल दाहाल (प्रचण्ड)ले राजासँग गरेको पाँच बुँदे सहमति पुष्टि गर्न एमाले अध्यक्ष केपी शर्मा ओलीलाई चुनौति दिनुभएको छ । विहिबार प्रेस विज्ञप्ति जारी गर्दै उहाँले ओलीले राजाले पाँच बुँदे सहमति गरेको भन्ने कुरा झुट भएको र यदि त्यस्तो भएको भए प्रमाणित गर्न चुनौति दिनुभएको हो ।

एमाले अध्यक्ष ओलीले बुधबार एक कार्यक्रममा २०६० साल मंसिर १८ गते तत्कालीन राजा ज्ञानेन्द्र र माओवादी अध्यक्ष प्रचण्डबीच ‘उपद्रव मच्चाउनका लागि पाँचबुँदे सहमति भएको’ दाबी गर्नुभएको थियो । यसको खण्डन गर्दै प्रचण्डले प्रमाणित गर्न र गर्न नसके जनतासँग माफी माग्न आग्रह गर्नुभएको छ ।

‘पूर्व राजा ज्ञानेन्द्र शाहसँग प्रचण्डको पाँच बुँदे सहमति भएको थियो भन्ने शत प्रतिशत झुटो कुरा प्रचार गरेर ओलीले आफ्नो दरिद्र राजनैतिक चरित्र मात्र प्रदर्शन गरेका छन् । म के. पी.ओलीलाई “पाँच बुँदे सहमति” प्रमाणित गर्न र प्रमाणित गर्न नसके झुटो बोलेकोमा जनतासँग माफी माग्न चुनौती दिन्छु ।’ विज्ञप्तिमा भनिएको छ ।

यस्तोत छ विज्ञप्तिमा

दलाल पूँजीपति वर्ग र प्रतिगमनको राजनैतिक प्रतिनिधिका रुपमा देखा परेका एमाले गुटका अध्यक्ष के।पी। शर्मा ओली, झुट, बेइमानी र धोकाको अर्को नाम हो भन्ने तथ्यलाई उनले हालैको आफ्नै अभिव्यक्तिबाट पुुनः प्रमाणित गरेका छन् । पूर्व राजा ज्ञानेन्द्र शाहसँग प्रचण्डको पाँच बुँदे सहमति भएको थियो भन्ने शत प्रतिशत झुटो कुरा प्रचार गरेर उनले आफ्नो दरिद्र राजनैतिक चरित्र मात्र प्रदर्शन गरेका छन् । म के। पी। ओलीलाई “पाँच बुँदे सहमति” प्रमाणित गर्न र प्रमाणित गर्न नसके झुटो बोलेकोमा जनतासँग माफी माग्न चुनौती दिन्छु । साथै माक्र्सवाद र कम्युनिष्ट सिद्धान्तबाट कोसौं टाढा भागेका ओलीबाट मैले भूमण्डलीकृत साम्राज्यवाद र वित्तिय एकाधिकार पूँजीवादबारे गरेको विश्लेषण माथि गरिएको टिप्पणीलाई दलाल पूँजीपति वर्गको एजेण्टको टिप्पणीका रुपमा खारेज गर्दछु । आजको पूँजीवादको चरित्रबारे मैले गरेको विश्लेषण सही रहेको दाबीसहित नेपालको शेयर बजारका सन्दर्भमा हाम्रो पार्टी र म समेत लाखौं लगानीकर्ताहरुको हितका पक्षमा रहेको स्पष्ट गर्न चाहन्छु । दलाल पूँजीपतिहरुको झुटो प्रचारबाट भ्रमित नहुन म शेयर होल्डर जनसमुदायसँग अनुरोध गर्दछु ।

यस्तो थियो ओलीको भनाई