क्रिसमस पार्टीमा आत्मघाती हमलामा, ६ जनाको मृत्यु

क्रिसमस पार्टीमा आत्मघाती हमलामा, ६ जनाको मृत्यु

एजेन्सी, पुस ११। गणतन्त्र कंगोमा एउटा रेस्टुरेन्टमा भएको आत्मघाती आत्मघाती हमलामा कम्तिमा ६ जनाको मृत्यु भएको छ। पूर्वी सहर बेनीमा भिडभाडयुक्त रेस्टुरेन्टमा क्रिसमस पार्टी चलिरहेको बेला आत्मघाती बिस्फोट भएको थियो।

बिस्फोटमा एक दर्जनभन्दा बढी घाइते भएका छन्। एक आक्रमणकारीले रेस्टुरेन्टको प्रवेशद्वारमा आत्मघाती बिस्फोट गराएको अन्तराष्ट्रिय सञ्चारमाध्यमले लेखेका छन्।

इस्लामिक स्टेट (आइएस) सँग आबद्ध एकीकृत डेमोक्रयाटिक फोर्स (एडीएफ)का कार्यकर्ताहरुले सो बिस्फोट गराएको अधिकारीहरुले बताएका छन्।

अहिलेसम्म कुनै पनि समूहले बिस्फोटको जिम्मा लिएको छैन। बम बिस्फोट हुँदा रेस्टुरेन्टमा ३० जनाभन्दा बढीले क्रिसमस मनाइरहेका थिए। बिस्फोटको समयमा महिला र बालबालिका थिए।

बेनीमा सेना र मुस्लिम लडाकुका कार्यकर्ताबीच बारम्बार झडप हुने गरेको छ।